霍元甲後人有霍氏迷蹤拳，天津市將其列為文化遺産加以地方保護，
我老竇笑言，我阿爺都有套葉家掌，
佢話細細果時，
只要佢同三伯爺一搞屎棍，阿爺四只手指一收作虎爪狀再加一個淩厲既眼神，
佢同三伯爺即刻乖乖坐定定聲尾都收埋，
點解阿爺D一招甘殺食，據聞就三伯爺細個果時有一次就系衰系阿爺手上，
葉家掌一出，手起掌落，一掌哼落離，三伯爺個頭即時穿左，
當然阿爺都系無心之失，但成效顯著，
葉家四兄弟姊妹，一見葉家掌既架勢就聞風喪膽啦。
老竇話阿嬤都吾系浪得虛名，阿嬤最犀利果招就系盧家刀，
我阿爸系四兄弟姊妹中最細，又最百厭架，
阿嬤果時搞吾店就會羅把菜刀出離喊打喊殺，
當然吾會斬落去，但刀法別樹一格，
菜刀系眉間片離片去，真系咩都吾使講。
哇哈哈，大笑，笑死我啦，
有葉家掌，同片眉師太既盧家刀就將葉家四條化骨龍治到TUP TUP撼。
我地家族系水上居民，我阿爸阿媽都系，直到我出世無幾耐先上岸住。
我細個讀書既時候，阿媽就叫我吾好同人講我系水上居民，會比人睇吾起，
因為疍家人住系船上居無定所，舊陣時常比岸上人睇吾起喔，
但我不以為然，吾覺得自己有咩比人低左一格，大家都系人者，
不過水居民起既既名就真系夠特別，
常用“水”“潤”“伙”“開”等做名，講真，都常有失敗之作，
如老竇四兄弟姐妹中，個名最正常既二伯爺叫阿“榮”，
我老竇個名都怪但吾難聽，叫“潤開”，
不過我姑媽同三伯爺個名就真系有少少搞羅，一個“水妹”一個“伙根”
佢地本人就無咩既，但我堂細佬三伯爺個仔就由細比人笑到大，
D人同學仔時時笑佢話佢老竇個名叫“葉火雞”佢就系“火雞”個仔。
唉，真系無曬意見。不過，成家人最最搞笑，都吾系我老竇四兄弟姐妹，
最慘最無辜既系我阿爺，
有時睇得多名人特輯，
我講笑甘同我老竇講，我地會吾會系咩名人既後人，隱姓埋名避世，
我老竇話我，無野揾野離講，甘又系既，
可想，如果好多年後，發現我地葉家原來系愛新覺羅後代就搞啦，
我姑媽就叫愛新覺羅水妹，二伯爺就叫愛新覺羅榮，
三伯爺就叫愛新覺羅伙根（火雞），
我阿爺就犀利羅，就叫愛新覺羅細佬，
無錯就系愛新覺羅細佬。
我同老竇都大大大笑，
笑到標眼淚，笑到喊，
好耐都無試過笑到喊，
吾知真系笑到喊定喊住離笑，
因為到最後真真切切甘喊左出離，
阿爺阿嬤都過左身四年幾啦，過左身甘耐除左清明都未上過一箸香比佢地，
吾系我不孝，系我平凡既生活裏面，我從來都吾覺得佢地已經離我而去，
所以一次香都未上過，當然都吾會喊，
反而系大家都甘開心既時候，比我想當然甘喊左出離。。
爺爺嬤嬤我挂住你地啊。
留言列表
