同窗的我們啊，還有一年我們就初中畢業十年啦，整整十年啦，
同學們，十年前的你還喜歡現在的你嗎？
翻開九年前那本弱智到無倫的同學錄，
笑，大笑，我開心地大笑，
動，手在動，心在動，我十分感動。
塗鴉，吐血的祝福語，讓我淚光閃閃的你，你，你，還有你，最後是大家。
豆沙包夫人話我太愛緬懷過去，
人生無常，最純真最地道既東西永遠只能藏在心裏，壓在箱子下。
適逢初中畢業九周年，等我和大家分享一下我十分珍惜既同學錄。
先離背景介紹：
小女子，做左三年既勞動委員，不算突出，但交足百二分既功課，本人實滿意，
平時最常做既事情，就系對同學們呼呼喝喝，趕佢地去包乾區掃地，執垃圾，
除了班長外，算是最早認識到大家，並且可以將名字對號入坐，絕不搞錯既人
（可憐和我相處多年既好友，至今還寫錯我既名，悲哀啊！！）
因此，換得一個成世都走吾甩既花名——TIGER是也，中文直譯既老虎乸。
同學們都怎樣評價十年前的我：
“開朗”“活潑”“男仔頭”
關於老虎：
藍田同學贈言：“不要吃那麽多人啦，TIGER! ”
菁爺贈言：“·····萬事大吉，不要再欺負一些無知的小動物了···”
誼姐贈言：“早日成為動物園揸FIT人，虐待所有未成年小動物。”
建峰贈言：“在哪間動物園做，記住通知我····”
豬屎華贈言：“···最後祝你變成只大TIGER···”（仲要括弧注明勿忙我，我實記住你啦，祝我變到甘大只）
讓我吾知比咩反映既留言：
何偉健：“永遠靚女，殺死靚仔，青春常駐，美麗動人，在我心目中你永遠是一位關心集體的好人。
頂，殺死曬D靚仔，甘永遠靚女仲有咩用啊，前部分都可以理解，後半部分就真系有少少羅命啦。“關心集體既好人”······
同學們的偶像：
好多都寫自己，諸如KELLY，陳曉東吧，果期興。
勤爺先經典：列寧，愛迪生。
最曖昧既留言：
出自勤爺之手：“·····我對你的友愛並不是假的，是真誠的。”真系吾知當時我倆去到咩程度，去到甘盡。（強調，勤爺系女仔離架）
贈品：
萬欣姐果然系下個有內涵既知識青年，不枉我仰慕左佢甘多年，
留言之餘仲贈我兩句：“創造一切非凡事業的那種爽朗精神總是同青年時代和創造力相聯系在一起的。”
哇，好長啊，九年後我都仲系背吾到落離。
遲來的笑話：
睇完顧勁斌既留言，睇埋個署名先知，原來佢既英文名DRAGON。突然諗起多年前BABY 同佢開既一個玩笑。BABY話，如果顧勁斌好似外國人甘，個姓放系後面，佢個名咪變成“勁斌DRAGON 顧”羅。跟住大笑，果時我聽完就算啦，以家先知原來內有乾坤真系甘好笑既。。哈哈。。。
豪哥當年留言第一句就好狠啦，先離“祝你早日回歸大自然”D個都無咩野，知佢無心既，佢後面既括弧寫住“講笑傘”，我諗佢都系想講話“講笑遮”，但佢萬萬諗吾到普通話寫個“遮”字作“傘”，但“傘”字廣州話不讀作“遮”羅，“講笑遮”變成“講笑散”，寫“或者”個“者”咪得羅，個個都明架，搞到甘複雜。唉！仲要我回歸大自然講笑散！唉！
最長既署名：
點都吾夠系佢啦——大粒麥。
“七十八中十大傑出青年，英俊過人，一表人材，玉樹林風，高大威猛，靚女見到都暈既陳XX”
哇，佢見到靚女報完個朵吾氣絕身亡都偷笑啦，仲話見到你暈喔，自戀得佢吖。死人大粒麥，寫左一堆野比我，又真系幾感動既，佢仲笑言話我十年後睇返一定會笑到肚痛喔，講真又真系無既，反而變成左一種過程，友誼長存啦。
壓軸好戲“我們永遠的琦姐”
容我先講，琦姐確實系一個高大並且大份既男人，但言語間，舉手投足，婉如一個嫵媚女子，我地幾老友架，我不嬲都當佢女仔甘睇架啦，佢就口口聲聲話當我系兄弟，但佢絕對系做姊妹好過做兄弟羅。
比我地笑得多，千方百計要改變形象，一雪前恥，要變成如何這般地MAN喔。結果，又吾系一個飛左個光頭高大並且既大份既“乸型”（琦姐吾好怪我心狠手辣）
一打開佢果頁，先殺左我一個措手不及，佢竟然不惜公本大費周張，剪左只KING落離，粘系佢果頁度，並另外畫左個葵扇系度，注明此為葵扇KING，系最大果只，唉，幅牌甘就無左啦。。（“葵扇”D詞系我代入去架，全程佢都系用畫既離代替，我估佢真系吾知果一塊黑野點表達吧）
佢句句真言，情深意切，不過最寧我難懂既系D一句就系：“····我經過很漫長，很漫長既時間才改變得了，望你像我一樣改變了不足之處，像葵扇KING一樣，真正堅強，豪爽。”
攞命啊，我望住果只葵扇KING，我真系睇吾出佢有幾堅強同豪爽羅，琦姐好似同只KING好熟甘架，連阿JACK，阿QUEEN既性格佢都摸熟曬，雖然平時鋤得多，都吾好走入魔架，系都揾個正面D既教材吖，就算揾屎太濃都好過一只KING挂。
琦姐，你永遠都系我既琦姐，做返你自己啦。
好慶倖，身邊仲有幾位初中同學常常聯絡，睇返豆沙包夫人，同肥LI 既留言真系好感動架，交足曬功課，所有離愁別緒，字裏行間，無言既安慰。至於，FISH姐同肥MAY就行左D喔，咩學業猛進，HAPPY EVERY DAY 就算啦，我吾理啊，下次出離，補返啊。
過去緬懷完啦，合返上本陳年弱智同學錄先，
再等多十年，二十年，似一瓶青春釀成的酒，變得越醇越香，越回味。
當我們都老了，再三去品味我們的青春。
感謝三年同窗的你，你，你，還有你，再有大家。
留言列表
