動畫《史力加》（史瑞克）的主要動畫師許誠毅（RAMAN HUI），佢話當佢二十幾歲時好想可以問下三十幾歲既自己，將來會系點，將來要做咩，如果三十幾歲既自己返返去二十幾歲時，同自己講：“你得架，繼續努力甘做落去啦！”可能就算話比二十歲既自己知，將來既自己系HOLLYWOOD撈得幾店，做世界聞名既動畫師，可能自己仲會比自己嚇親添，要點做落去，做邊樣先系岩既，反而比吾知仲彷徨。
當我以家二十五歲時，我一無事處到生活有少少無奈，所以好想回到過去，試圖讓過去改變下現在既自己。
我會返去揾返四歲既自己，要用盡任何方法，都要迫自己跟老竇既師傅學國畫，起碼寫到一手靚字，吾使由細到大比同學笑，比同事笑，比老師罵，比阿媽打，如果人既一手字等於人既一件衫，我都想由細到大有件靚衫著下，吾打得都睇得。
我會返去揾小學既自己，要自己再愛多D爺爺嬤嬤，每次放寒暑假都要同佢地好好相處，吾好激佢地，吾好去揾孖女玩，比多少少時間愛佢地，因為佢地既離開令我心痛不已，特別一直都甘愛我既嬤嬤，我從來無認真甘報答過佢，但佢系我諗都未諗過既情況之下就甘就走左啦，直到以家，依然令我耿耿於懷。我亦會好好甘教導我堂細佬，教佢好好讀書，有一技之長，吾會淨系出去惹事生非，群埋班衰人，令爺爺嬤嬤伯爺伯娘擔心難過，我好後悔由細到大將佢忽略，無將佢教好，將來如果佢再過得幾吾好，我有絕對既責任，畢竟所有同齡既親人當中，只有我同佢最親啦。
我會返去揾返初一既自己，不如直接了當同佢告白，話比自己知，如果中意就吾好再等吾好再甘清高，可想以後自己會讀女校，可想初二會發生令自己一世都傷心難過既事情，可想將來既桃花運總平平無奇，可想會遇到既往往令自己一再自暴自棄。如果當年，在我依然勇敢開朗既時候，在佢依然靦腆誠實既時候，我們在一起了，會有幾好，起碼對現在暗淡發黃既自己有個交待。又或者，我當年表白過啦，雖然比別人宛拒，好歹有個結果吾會系一個只有想當年才有既純真遺憾。
我會返去揾返高中既自己，一系同自己講，吾使再努力啦，雖然都無點努力過，你高考一定落榜，只系讀大專咋，放心再玩落去啦。又或者，更高難度，同自己講，千祈吾好再無聊落去啦，再努力少少，再努力多少少，吾要高中既美好回憶，吾要高中出生入死既好友，為左之後吾會重蹈覆轍既將來，再努力多好多。如果萬一去錯了時空，已經努力吾到啦，起碼比我回到最初填報志願既時刻，阻止豬大件小姐去女子學院，阻止豬大件小姐幫我填報去女子學院既志願，一個小小既動作令自己日後有幾後悔。不過我吾會話比自己知，高考考歷史既時候自己無帶准考證，雖然會嚇到自己不似人形喊到豬頭甘，但反而變成一個笑話在我一生裏面永遠同別人分享既話題。
我會返去大專時期既自己，話比自己知，所謂既綜合測評簡直就系垃圾，出離做野，無人會恒量你在校時既綜合測評有幾驕人，無謂因此而迫自己做無數令自己覺得難過既事情，再好好同宿舍裏既同學相處一下，所有不是，小小既摩擦當佢系過眼雲煙罷了，好好珍惜所剩無幾既學生生活吧。
我會返去岩岩畢業系中酒工作既第一年，我會同自己講，好辛苦，好難過，趁自己尚的決心重頭再來既時候，辭職揾過第二份做得比現在開心既工吧，從二十二歲到以家二十五歲既自己，三年既日子裏面，無邊一個時刻系自己真正開心甘過架，無最大既收獲，反而有最大既損失，因為我已經返吾到過去，過去每一個我都認吾出現前既自己啦，膽小怕事，悲觀自卑，退縮虛僞，只有行屍走肉甘過著，好傷心難過。
人們所說，要珍惜現在，因為將來永遠都吾可以再回到過去，現在我從來無珍惜過，因為將來我一定吾會再返到現在，見返此時此刻只有一片空白惘然若失不知所謂既自己。
好難過，不能回到過去，好難過，現在依然難過支過著。
留言列表
