賣扭維維

又一次夢到在濱江路的發生既事情，

奇怪既系，自我97年搬離同德圍，足足十年既時間，我從來一次都無夢到過系同德圍既生活。

我發覺，原來系濱江路舊屋既時間，系我過最開心，最無知，最天真架，

我從來都吾知道咩叫生活拮据，咩叫做自卑無人愛，咩叫做世事無常，咩叫做人艱難。

屋企從來都未有錢過，但就系因為無過過所謂寬鬆既日子，個人特別無欲無求。就算屋企幾甘困難，阿媽都最大份量甘比我過得最好，所以我從來都吾覺得自己生活得艱難幾窮。

我以家擁有好多托兒所時候既相，郊遊啦，上台表演啦，同學們既大合照啦，因為媽媽從來都不會吝嗇，其他小朋友只可以睇下既照片，我媽就會一一買比我，使我以家有既回憶變得好完整。

我爸我阿媽都話我細個系一個特別頑固又為食既小朋友，托兒所返屋企都會有掃街既習慣，即系要每間零食鋪都買過一次，有見及此，爸媽都會揾到條可以繞過所有零食店而回家既線路。

因為爸時時外出工作，早上愛去飲早茶，媽要上三班，自我小學六年，初中三年，我就有所謂既早餐錢，所以好細個就可以有錢買其他野吃，到大小小就有零用錢，吾多，但吾知點解都夠用，所以每次發夢時，出現得最多最親切既場景就系屋企周圍廣泛分佈既士多。

好記舊屋縱橫交錯既小路，又黑又濕既市場，熱鬧無比既市集，又黃又粉又甜既風栗，餅乾店，牛奶鋪，因為請林麗敏吃左一次面而被媽當面臭罵既面店，每次都要羅單車牌又多老鼠既單車棚，有好多貼紙賣及有個滑梯系附近既小學（不過系人地既小學）。

仲有一間簡陋並且隔離就堆滿垃圾筒既衛生院，發燒時吊針，吊針時要上廁所，媽媽帶離既飯，系病床上口淡淡，嬤嬤坐系身邊陪我比我吃話梅，打針時用既高凳，細個去剝大牙時望見出面頹廢既光景，寒涼既心情，每個星期打電話比嬤嬤，用淨低既錢買八毫子一個既五羊香芋雪糕。

小學路上經過既小花園，園內既從來都未結過果既菩提樹，仲有兩個已經沒水既水池外加一個池中抱住條魚苗沒著衫既白色小BB既像，另一個池就系假山，仲有幾棵碰到果實會痕癢既吾知咩樹，但又吾知用附近咩樣既小草擦兩擦又會止癢，仲有曾經引起過轟動我地成群結隊去睇既凶案現場，根據每日都出現既血蹟，我地成惶成恐，原來只是一個殺雞既地方，仲有結滿香甜大紅花既花壇，海運局。

密密麻麻既榕樹，陰涼綠油油好高好高，又黃又青既落葉，滿地既果實，榕樹下扯紗既婆婆，坐在石凳乘涼既婆婆，樹下打羽毛球，跳繩，捉伊人，擋風雨既綠葉，雨後風出過樹枝落下大點既水珠。

大白天都要開燈既房間，又黑又細，無自己既房間，最大件既家具，就是爸媽既大床，寧靜致遠既木牌，顯得比屋仲要大既25寸PANASONIC彩電，掩門已經跌落既組合櫃，魚缸，衣車，振到跳起既脫水機，閣樓，上閣樓既鐵梯，啖罐，又黑又臭又濕又時時塞既公用廁所，好髒又多蟑螂既廚房，仲要沖涼會有被裝既危險，每晚訓到半夜都聽到既波子跌落地既聲音，曾經一次張開眼看到手抱住的一堆人骨，同老竇一齊不分晝夜打坦克大戰，變形金剛，比大舊佬一次飲曬既酒版，將教科書排好變成只有我時時光臨既圖書館。四戶人家，門口相對，平時只用布擋，細路仔由細玩到大，對面黃家兩姐弟，隔離小肥仔，我們就系一起長大，你離我家我離你家，慢慢大個左後，反而變得疏離。

有好多美好既回憶，亦有好多媽爸因為生活而嘈吵既片段，仲有同嬤嬤一齊生活既時光，我好開心，我好感動甘想喊出離，我想，如果到我老左有老人癡呆症的話，記憶只會停留到細時系濱江路既日子，甘都系一件令人覺得幸福既事，因為系濱江路生活既十二年間系我人生到此過得最快樂既日子，發覺原來當時既苦，不快，不安，寂寞都系微不足道，好懷念啊。搬離後雖然生活環境大大有改善過，但同德圍既十年間，除左回家既路，其它既方向對我來說都系陌生既，邊度市場，邊度市集，連隔離房個樣都系陌生架，走上路上都不會打招呼。經歷過屋企有錢，變返窮人，高考失敗，寄宿生活，嬤嬤爺爺過生，出離做野，工作壓力，比人欺負，流淚回家，從有摩托車出入，到阿媽部摩托比人沒收，阿爸既廢棄放在保管站，到以家工作慢慢習慣，收入變穩定。以家既生活無常且任性，如果我一直都系過得甘平淡無奇既話就好啦。因為經歷太多，反而變得逃避同健忘，我等待緊下一次既改變，吾知會將一家人拖到谷底，定系會重返光明，但好想變換下生活既模式。

系濱江路既童年，無知，快樂，比光圈包圍著，現家只可以珍而重之，只可以在夢中感受。封存系心裏面，回味，惋惜，等等。