常說光陰似箭，日月如梭，系真架，人人都話，時間眨下眼就過啦，雖然就算比你眨到眼火爆，時間都吾可以一下子就過去，但，諗返轉頭又會感到，時間又真系意外甘在你想象中流過啦。
睇，仲有一個星期就2008年啦，2007年就甘就過完啦。
記得年初，睇過大少算命星座節目，都話屬狗處女射手座既人，2007年實行大運，愛情事業雙得意，縱然如同往年，吾聽話既塔羅牌占卜總系出現“高塔”“魔鬼”“月亮”等等既負面牌。但讓我深信不已既算命星座預測已經比夠信心同勇氣等我繼續期待2007年落去。
此時此刻，如果離一個總結的話，答案系一半一半啦，有開心有吾開心，不過系家常便飯啦，做人都系甘啦，邊個可以成世都開心甘過喔，雖然對天生悲觀既我離講，吾開心既事情有好多，但確實2007年系我收穫甚豐既一年，刺激，自信，驕傲，自救，仲有打擊，畏懼，卑劣，逃避。
事業：
突然間，直系突然間，無啦啦卷入人事糾紛，無啦啦比個總監捧左上天，確實受寵若“驚”（驚青），本來就怕事，吾敢出頭既我變得無所適從，睇住周圍既人既太度變化，輕歎世態炎涼之外，爾虞我詐更習以為常，人果然系能適應環境既生物，最辛苦既只有自己吧。
反而到某某總監既調職，讓我真正透返啖氣，直到最後決定下年既離去，真真讓我有從新振作既力氣，雖然到以家依然會懷疑自己會吾會出爾反爾，但總算有個可以了結既希望，卑劣既人生確實與我格格不入。
愛情：
吾使點講，依然系孤家寡人，雖然總系有少少既希望突然殺左我一個措手不及，但到最後，事實卻話過我知，NOWAY 真系NOWAY，果然NOWAY曬，不過乃系感謝介紹過男仔過我識既陳蘋果經理，仲有不斷甘為我安排相睇大會以致搞到我發爛喳既老媽子，當然仲有FISH姐，小異陪我完成既風塵撲撲之旅。
嗯，我會努力架啦，等多我三四年，到時再揾個金山阿伯返離比大家有個交待，梁真人直接了當甘問我只豬系吾系想收埋離煲湯，嗯，我都理直氣壯甘答返佢，以家豬肉貴啊，我要等有個好價錢先賣出去，如果到時無人買或者物價回落，只豬又老的話，吾怕，我會照顧佢一世架，最後都系吾想自己後悔啊。
健康：
總既離講，今年托賴，無咩大意外，多謝上天對我既眷顧，不過，視力明顯下降，以前足以令我系豬大件小姐面前驕傲到不得之了既左右眼5.2既視力，以家真系收曬皮啦，返工又對住部電腦，返到屋企又對住部電腦，吾近視都幾難啦。到年尾啦，有少少對吾住WAITING姐啦，年初仲誓言旦旦要2007年減十斤喔，真系有太高估自己啦，最新統計數字，本人已經突破60公斤既關口，向62公斤進發，年底最大既心願就系保持60公斤過年。哼，到頭離都系一樣，超，鄙視自己啊。
旅行：
相信，2007年最令我開心既事情，就系去左好多吾同既地方旅行，一月去左雲南，二月去左東莞，五月去左香港，去左楊朔，去左惠州，七月去左湖南，十一月去左開平，十二月去左澳門。
去楊朔同湖南特別滿足，因為第一次出省自助遊，11個鍾既長途大巴我搭過，15個鍾無空調既火車我又搭過，原來真系可以，事情只有做過先知道有幾難，解決完困難諗返轉頭先知道自己有幾了不起。
見識好多好多，用相機拍低沿途所見所聞，雖然照片系別人眼中吾系最優美既，但每一張相都令我可以回想返當時美好既一瞬間，在此十分感謝豬大件小姐，有你我先至有甘多靚相去回憶。
仲有雲南，多謝阿靚，我就知你一定會時時照顧我既，雲南真系一個好靚既地方，雖然相遇系美好，離別總系痛苦，但我一定會再去，再次用自己既鏡頭，去捕捉返曾經遺失已經想吾起既片斷。等我啊！！！
興趣：
熟悉既朋友們都知，我奇怪又瘋狂既興趣，ROCK & ROLL，博物館，美術館，今年都睇左吾少，仲有意外收穫添。
瘋狂地睇左三場五月天演唱會，五月四，五香港既兩場，七月一日廣州既一場，實在太多人覺得我做緊傻事又無聊，嗯，無錯，我就系讓自己一錯再錯甘落去，美其言想捉青春既尾巴，到我真系老到行吾鬱既時候，除左快樂過，傷心過既回憶外，仲與別不同地獨享曾經傻人一個既回憶。
不得不提，去長沙探左一探兩千幾年前既朋友——辛追，哇果然好核突，去左睇石魯先生既畫展，睇完《轉戰陝北》再一次領會欲加之罪何患無詞，《典美神》真系好靚啊。
第一次睇舞臺劇，《假如生命剩下N小時》，《親。愛的》，雖然有人話無咩好睇，佢地只不過系雷宇揚既扯線公仔，又如何，支持本地原創，支持捧腹大笑。《印象劉三姐》，好彩有FISH小姐同行，雖然回程既路途險象環生，但算系我第一次親身感受到張藝謀既視覺震撼，人與自然既大大融合，夢幻神奇，讓我十分後悔年初去雲南時無睇到另一個《印象雲南》既表演。
有朋友話我成個文學青年甘，中意睇書睇展，但真系不敢當，幾時見過咩文學青年有我甘既氣質，運動裝，粗粗魯魯，仲時不時講粗口，其實話比大家知啦，我咩都吾系，只不過系一個人睇我又睇八八卦卦既小女人者。
朋友，朋友既朋友：
2007年讓我認識到好多朋友，或者重新認識到好多朋友。
我永遠既白金會員豬大件小姐，多謝你一直比我既鼓勵，對我既支持同遷就，相信今年系我倆加深認識既一年，我傷心難過時，你比我太大力量啦，記得江南西路口凍到攬埋一舊既時候嘛？你仲忍受我喋喋不休，講完又講，你系我最好既聆聽者，多謝你啊，所以當你有事揾我返既時候，我系十分開心架，因為我覺得原來我都會有被需要既時候，原來我都可以好重要架，吾好同我講吾好意思啦，因為我從來都吾敢諗朋友對我離講可以系甘重要架。
小異，FISH姐，初中畢業差吾多十年啦，畢業後我地既來往曾經一度消失過，特別FISH姐，今年我地總算團圓啦，我都知自己難約架啦，時時無時間，一吾系就收埋自己，但你地兩個都不嫌一次又一次甘約我出離，仲三人出遊楊朔，澳門，講真吖，我既交友觀系——距離，我覺得人與人之間吾可以太密切架，特別朋友，互相了解得太多，好少真系做到好朋友，相信對得我耐，你地都對有所了解，可能覺得我寸七七啦，大洗啦，無聊啦，有時又玩孤僻啦，又中意強人所難，但奇怪既系，你地對我永不放棄，好啦，希望來年來來年，一直都快樂甘過。仲有肥梅，肥鰍，駱駝，等等等。
阿靚，從大學開始，我就知你一定會有求必應，年頭既時候，過左兩個月放縱既生活，飲左吾少，嘔左吾少，但好在有你睇住我，果然答應自己吾再飲酒，又真系做得到，諗返轉頭，真吾敢想象，當時點解會甘自得其樂。仲有啊，講真架，一定要幸福羅去啊，好似阿華，荷姐，好似小丹甘，我時時都話，朋友中不幸有我一個就得啦，所以，真系要幸福啊。
因朋友而識到既朋友，梁真人啦，開頭仲以為邊個添，原來······你實在太風趣啦，占屎兄，多謝FISH姐啦，有機會一定要見下面啊，大家都甘支持，常去我空間留言，使我不斷甘寫完又寫，因為知道，總會有人留意同關心我甘既一個肥妹仔。
仲有阿湘啦，小石啦，明哥，瑩，一班因為旅行而認識既朋友，真好。
2008年，一定會系好大壓力既一年，有好多野自己想做，想改變，我無咩信心，但我依然會努力做好。
好幸運，2007年太豐富多彩啦，過得好有意義啊，令我做足夠理準備試著艱辛甘揾返以前既NOWAY，希望系2008年既年底，我又可以同大家快樂又直接甘分享我既收穫。
PS：豬大件小姐，睇左你既總結，真系好無氣勢，要學下我有甘長既篇幅至得架，同時相信，應該無咩人會認真甘睇曬，但多謝系甘易納過下既各位。
留言列表
